Thlir Lâwkna leh Lehkhabu File Download-na

Heng lehkhabute hi a hnuaiah tarlan an ni a, thupui mâwlte atanga intanin, hma a sawn chho zêl a, chutiang rem chu an ni bawk. Lehkhabu download dân tûrah puihna i mamawh chuan, Support Page lût la. Khawngaihin lehkhabu download thei tûrin a hnuaia distribution policy hi pawm ang che.

Hemi Site-a File Distribute na atâna Kan Policy

Living Stream Ministry hian heng lehkhabu pasarihte hi a thlâwna electonic version-a siam a nihnaah a lâwm a. Mi tam takin heng lehkhabute hi chhiarin, midangte hnenah pawh hrilh se tih hi kan beisei a ni. Heng file print te hi i mimal hman atân chauh nise kan ti a. Khawngaihin heng file te hi eng kawng zâwng pawhin khawi hmunah mah repost suh ang che. Hemi phêna copy siam i duh chuan, khawngaihin [email protected] ah hman i tumna sawifiahna leh phalna dilna kimchang thawn ang che. Tin, dân hnuaiah copyright kan sawi zawng zawngte min zawhsak tûrin kan ngen bawk a che. Heng PDF file te hi modified emaw, thil dang atâna eng kawng emawa khawih chingpen tûr an ni lo.

Kristian Nun Innghahna Bulpuite, Volume One

by Witness Lee and Watchman Nee

Hnunglam cover atangin Kristian nun hi awmze thuk tak leh hlutnaa khat a ni a, nimahsela mi tam tak chuan he nun innghahna bulpui Pathian Thu, Bible in a sawi chu an hre lova. Kristian Nun Innghahna Bulpuite, Volume Khatna ah hian, Watchman Nee leh Witness Lee chuan Kristian nun chu hmelhriattirin an sawifiah a. Pathianin chhandamna a ruahman chu bung khatah mihring nun chhuichhuah theih loh hmangin an tarlang a. A bung dawt lehte hian Kristian tâna tawnhriatna bulpui engemaw zât an sawi bawk a. Bung hnuhnung ber chuan ringtu Kristian nuna chabi pawimawh ber–mihring thlarau hmanga Krista tawnhriatna a sawi a ni. Pathian zawngtu leh Kristaa ṭhanlen duh ringtute chu heng thuchahte hian Kristian nun hausa leh hlu tak nei tûrin lungphûm nghet tak dinsak dawn a ni.

Download PDF Khawngaihin he lehkhabu download thei tûr hian distribution policy hi pawm ang che.

Kristian Nun Innghahna Bulpuite, Volume Two

by Watchman Nee and Witness Lee

Hnunglam cover atangin Kristian nun laipui chu Amah Krista hriat a ni a. Hemi atân hian nitin nunna kawnga Amah kan biakpawh leh tawnhriat a ngai a. He tawnhriatna hei thilbul ṭhenkhat a huam a, thlarau lam chaw ṭha ei, thlaraua chibai bukna chatlak lo, leh thlarau lam ṭhanna thûk neihte. Kristian Nun Innghahna Bulpuite, Volume Hnihna ah hian, Watchman Nee leh Witness Lee chuan Kristian nun hrisel neih theihna tur an sawi a: Lalpa nena hun hman, Amah biakpawh dân kawng awlsam, leh Amaha thûk taka ṭhanna kawngte a ni a. Heng thuchahte hian zawngtu Kristiante chu Pathian Thu châwmna hausa te, englai pawha Krista biakpawhna, leh Pathian tawnhriatna thûk takah a hruai dawn a ni.

Download PDF Khawngaihin he lehkhabu download thei tûr hian distribution policy hi pawm ang che.

Engkim-huap Krista

by Witness Lee

Hnunglam cover atangin Thuthlung Hlui tluana hlimthla leh entirna zawng zawngte hi kan Chhandamtu Isua Krista thlirna ropui tak vek an ni a. Entirna zinga hlutna thûk tak nei, mahse kan hmuh kân tlat si chu ram ṭha hi a ni. Engkim Huap Krista-ah hian Witness Lee chuan Deuteronomy bu aṭangin Israel faten ram an luah chu Thuthlung Thara kan roluah, Krista entirna famkim a ni tih a puangchhuak a. Ram ṭha hausakna chhuisen loh chipchiar taka zirna ṭhenkhat min pe a. Entirna tinte sawifiahna leh ringtu kan nih anga kan tawnhriat dante sawi a ni a. A tir aṭanga a tâwp thlengin Engkim Huap Krista chuan Pathian chatuan thiltum hlenchhuahna tûrin Pathian zawngtute chu nitin ram ṭha anga Krista chen tûr leh tawnhriatna nei tûrin a fuih a ni.

Download PDF Khawngaihin he lehkhabu download thei tûr hian distribution policy hi pawm ang che.

Pathian Inchhûngkhur Relbâwlna

by Witness Lee

Hnunglam cover atangin Kum 1927 ah Watchman Nee chuan Kristian ṭhanna leh hmasawnna chungchâng thlarau lam lehkhabu ropui tak Thlarau Mi tih chu a tichhuak a. Chu lehkhabuah chuan Nee chuan ringtute thlarau nun hmasawnna atâna thupuan pawimawh leh a laipui, mihring chuan bunghrang pathum–thlarau, rilru nun leh taksa–a nei tih Bible thutak mâwlte a puangchhuak a. Pathian Inchhungkhur Relbawlna ah hian Nee-a thawhpui hnai ber leh rin ber, Witness Lee chuan he lungphum chungah hian Bible thupuan laipui–kohhrana Amah pholanna famkim nei tûrin mihring chhûngah Amah inthunluh a duh tih a hailang a. Pathian Inchhungkhur Relbawlna ah hian Lee chuan chiang takin Pathiana Minung chêtna leh a chatuan thiltum hlenchhuah nana mihringin Amah an thawhpuina kawngte min pe a ni.

Download PDF Khawngaihin he lehkhabu download thei tûr hian distribution policy hi pawm ang che.

Kristian Nun Innghahna Bulpuite, Volume Three

by Watchman Nee and Witness Lee

Hnunglam cover atangin Kristian nun tâna pawimawh Krista tawnhriatna thui zâwk an awm a. Ringtu kan nih angin,dik leh diklo kalphung mai ni lovin, nunna kalphung sang zâwkin kan nung tûr a ni a. Pathian nunna in kan nunah hna a thawh chuan, he nunna êngchhuak hian nundân dikah min hruai lut a, ringtu dangte nen Pathian huho pholanna, kohhranah min sachho a. Kristian Nun Innghahna Bulpuite, Volume Thumna ah hian, Watchman Nee leh Witness Lee chuan, heng tawnhriatna hi chipchiar takin an sawi a. Heng thuchate hian ringtu zawng zawngte hnenah an mimal ṭhanlenna atân leh kohhran sakchhohna atân thlarau lam chaw a pe dawn a ni.

Download PDF Khawngaihin he lehkhabu download thei tûr hian distribution policy hi pawm ang che.

Nunna Hriatna

by Witness Lee

Hnunglam cover atangin Pathianin a duh chu mihringin a famkima Amah a pholan, Ama anpui nihna a put, A ropuina a tihlan leh A hmelma ching tra Ama thuneihna a neihte a ni a. Amaherawhchu, ringtu tlemte chauhin he thil hi Pathian nunna kaltlang chauha neih theih a ni tih an hmu thiam a. Chu aia tlem zawk chuan Krista thihna leh thawhlehna kaltlanga kan neih pathianna nun hriatna leh tawnhriatna hi an nei bawk a. Nunna Hriatna ah hian Witness Lee chuan nunna a hruaitu kawng, tihununtharlehna aṭanga bulṭanin, chhunglam nuna hriatna thlengin min tihên sak a. Nunna Hriatna hi Krista tawnhriatna dik leh he lehkhabu kawppui Nunna Tawnhriatna tih hmelhriattirna ṭangkai tak a ni.

Download PDF Khawngaihin he lehkhabu download thei tûr hian distribution policy hi pawm ang che.

Kohhran Ropui

by Watchman Nee

Hnunglam cover atangin Pathianin vânlam thlirna aṭangin kohhran, tlansa ringtute chu a thlir a. Sual leh sualte thiltihtheihna in a hneh tawh anga hmu lovin, Pathian chuan kohhran chu Krista kawppui ropui tak angin a hmu a. Kohhran Ropui ah hian Watchman Nee chuan Bible a kohhran sawina pali a sawifiah a: Genesis 2-a Evi, Ephesi 5-a nupui, Thupuan 12-a hmeichhia leh Thupuan 21 leh 22-a Mo. Hengah te hian Pathian chatuan thiltum hlenchhuahna tura kohhranin kohna sâng tak a dawn chu sawilan a ni a. Kum 1939 aṭanga 1942 chhunga Watchman Nee a thuchah sawi, tunhnai maia hmuhchhuah thar chuan he Kohhran Ropui lehlin thar hi nasa takin a tifamkim bawk a ni.

Download PDF Khawngaihin he lehkhabu download thei tûr hian distribution policy hi pawm ang che.